ലക്ഷ്യങ്ങൾ

1.   ഓരോ തദ്ദേശ സ്വയംഭരണ സ്ഥാപനങ്ങളുടേയും കീഴിൽ വരുന്ന  വിവിധ സർക്കാർ ഓഫീസുകളിൽ ലഭ്യമായ ഒഫീഷ്യൽ സ്റ്റാറ്റിസ്റ്റിക്സിന്റെ ശേഖരണവും അവയുടെ ക്രോഡീകരണവും വിശകലനവും.

2.   വാർഷിക പദ്ധതികളുടെ രൂപീകരണത്തിനായി വേണ്ട ഡാറ്റ തദ്ദേശ സ്വയംഭരണ സ്ഥാപനങ്ങൾക്ക് ലഭ്യമാക്കുക.

3.   ഡാറ്റയുടെ ലഭ്യതയനുസരിച്ച് പരിമിതമായ വിഭവങ്ങൾ മികച്ച രീതിയിൽ ഉപയോഗപ്പെടുത്തുക.

4.  ഗവേഷകർക്കും വിദ്യാർത്ഥികൾക്കും മറ്റ് ഡാറ്റാ ഉപഭോക്താക്കൾക്കും സഹായകമാകുംവിധം തദ്ദേശ സ്വയംഭരണ സ്ഥാപനങ്ങളുടെ അടിസ്ഥാനത്തിൽ ഡാറ്റ ലഭ്യമാക്കുക.

2015-16 അടിസ്ഥാന വർഷമാക്കി സംസ്ഥാനത്തെ എല്ലാ തദ്ദേശ സ്വയംഭരണ സ്ഥാപനങ്ങളുടെയും അടിസ്ഥാനത്തിൽ ലഭ്യമായ ഡാറ്റ ശേഖരിക്കുകയും ക്രോഡീകരിക്കുകയും ചെയ്തിട്ടുണ്ട്. വിവിധ മേഖലകളെ സംബന്ധിച്ചുള്ള ഡാറ്റാ ശേഖരണം ആണ് വിവിധ ഷെഡ്യൂളുകളിലായി ശേഖരിച്ചിട്ടുള്ളത്.

2016-17, 2017-18 എന്നീ വർഷത്തേയ്ക്കുള്ള അപ്ഡേഷനും ഉന്നതവിദ്യാഭ്യാസം, വാഹന രജിസ്ട്രേഷൻ, പാക്കേജ് ചെയ്ത കുടിവെള്ള യൂണിറ്റുകൾ, ഗ്രൗണ്ട് വാട്ടർ ഡിപ്പാർട്ട്മെന്റ് നിർമ്മിച്ച കിണറുകൾ  എന്നീ മേഖലകൾ കൂടുതലായി ഉൾക്കൊള്ളിച്ചു കൊണ്ട് 49 ബ്ലോക്കുകളിലായി വിവരശേഖരണവും നടത്തുകയുണ്ടായി.

ബി.എസ്.എൽ.എൽ.ഡി ഡാറ്റാ എൻട്രിയ്ക്കും, ക്രോഡീകരണത്തിനും വിശകലനും ചെയ്യുന്നതിനുമായി ഒരു ഓൺലൈൻ സോഫ്റ്റ് വെയർ വകുപ്പ് വികസിപ്പിക്കുകയും 01/11/2018 ന് വകുപ്പിന്റെ വെബ് സൈറ്റിൽ അവ ഹോസ്റ്റ് ചെയ്യുകയും ചെയ്തിട്ടുണ്ട്. ജില്ല, ബ്ലോക്ക്, പഞ്ചായത്ത്, നിയമസഭ / പാർലമെന്റ് മണ്ഡലം എന്നീ വിവിധ തലങ്ങളിലുള്ള ഡാറ്റയുടെ ഡൈനാമിക് റിപ്പോർട്ടുകൾ സോഫ്റ്റ് വെയറിൽ ലഭ്യമാണ്. കൂടാതെ വകുപ്പ് നടപ്പിലാക്കുന്ന വിവിധ അഡ്ഹോക്ക് സർവ്വെകളുടെ ഡാറ്റയും, 10-ാം കാർഷിക സെൻസസിന്റെ ഫസ്റ്റ് ഫേസിന്റെ ഡാറ്റയും ഇതിൽ ഉൾപ്പെടുത്തിയിട്ടുണ്ട്.

  തുടർ വർഷങ്ങളിൽ ബി.എസ്.എൽ.എൽ.ഡി സർവ്വെ ഒരു റഗുലർ സർവ്വെ ആയി വകുപ്പ് നടത്തുന്നതും പദ്ധതി ആസൂത്രണത്തിനാവശ്യമായ കൂടുതൽ വിവരങ്ങൾ ശേഖരിക്കുന്നതിനുള്ള നടപടികൾ സ്വീകരിക്കുന്നതുമാണ്.

വിവരശേഖരണം നടത്തുന്ന വിവിധ മേഖലകൾ